Mir si us dr böse Stadt gflüchtet. U zwar ufs Land. Gnauer uf Yuajua. Spricht sech uuaiua us. Ded heimer dRuta las Flores gmacht:
Am erste Tag simer wieder einisch ane Wasserfau:
U am 2te heimer eh Wanderig zur Laguna Verde (wo schwarz isch) gmacht. Ded daf me nid drin bade u am Afang vom Wäg si drü mit Maschinepistole bewaffneti Wärter gstange wo eim versicheret hei es sigi aus sicher.
Schön isches hiä, fingeter nid?
U das isch de dLaguna wo me härälouft:
Nach so viu Asträngig heimer is de es Plättli gönnt:
Iz dänke natürlech aui wieder: teilet... Scho guet... Dr Dick het ds Fleisch verdrückt u di armi Ansch nume paar Chäsli bercho. Aber da siter fautsch. S'het ganz viu Vegispäck gha. U natürlech het dä dAnsch übercho. Faus dr nid wüsst was Vegispäck isch, si Rückfrage a dAnsch z'richte ;-)
Ds Biär isch übrigens sone Mikrobrauerei. U s'isch sensationell.
Hüt simer as Meer, womer izze 3 Nächt si. Mir hei es huere geils Hüüsli für üs. Uf Stelze u mi cha dSiite uftue. So das me schön use xeht. Öppe so:
We dr iz no wettet wüsse wi mir da härä si cho, de wär hiä dUsfüehrig. Dr ganz Wäg isch 100km u wird im Chickenbus zrügg-gleit. 45min bis i di ersti Stadt für 0.50chf. När wird vom Chicken Bus ine Directo (abgfuckte normale Bus) gwächslet u i 60min für 1.25chf bis churz vor San Salvador gchneblet. Ded gumpet me use u secklet über ne 4-spurigi Outostrass. Änä acho winkt me de dr nächst Chicken Bus ane u fahrt eh wiiteri Stung für 1.20chf as Meer abe. Di 1.20chf setze sech us 0.60chf für Mönsch u 0.60 für Gepäck zämä. Ded acho wird me de ghetzt sech ine wiitere vougstopfte Sarg inezquetsche. Das macht me aber nid, sondern wartet schön bis dä abgfahre isch u hockt gmüetlech i nächst, chouft sech für 0.25chf es Kokosnüssli. U zahlt de 0.50chf für Mönsch u Gepäck für di nächste u letste 30min. Insgesamt chostet dä Gspass aso 3.45 u geit 4h für di 100km ;-)
Me cha natürlech o vom Hostel us eh Shuttle näh. Dä het 1.5h u chostet, Achtung, 80$. Pro Pärson!
Was me de vo dene Strapatze het isch das hiä:
Fair, oder?
Ansch u Ürsu
Keine Kommentare:
Kommentar veröffentlichen