Guete Tag
Mir si in Bali gstrandet u das im wahrste Sinn vom Wort. Mir si in Permuteran, gad am Meer.
Eh beschwärlechi Reis isch das xi da härä. Mir hei üs aber für dLand-Variante entschiede. Hei 2x 8h es Taxi gno für vo Solo über Malang da härä z'cho. Wiu: dr Chlüder muess use. Dir weit ja au chli, das mir hei chöme u dir fählet üs o, drum wei mir ja wieder cho. Aber no nid gad:
In Solo simer am Night Market xi wos für dHerre Sate-Spiässli mit Nasi Goreng u fär dAnsch eh Mais-Choube het gäh.
Ded simer eh Supertämpu ga luege wo uf 1'400m isch xi u so usxeh het:
Imne erste länge Tag simer de uf Malang u ded zum Mt Bromo imne Tagesusflug:
Dr Bromo isch ds letste Foti u heilig. Drum wärdä ded o Opfergabe abegschosse u hiä chunt dä Herr ids Spiu:
Si Kolleg verchouft obe am Kraterrand de Hoffnigsvolle Bluemestrüüs das si diä am Bärg chöi opfere. We de di Strüss nid gnue wiit flüge, wärdä diä vo ihm gholt u recycled. So viu zum Gloube :-)
In Malang heimer de o no das WC atroffe:
DFrag wome häräbislet stöut sech hiä. DAntwort isch: nid hinger i Wassertank. Ded het, sehr zur Fröid vom Schwäbu, dr Ürsu wöuä dri bisle. Me bislet aso eifach a Bode, schiässt Wasser drüber u de louft das i Abfluss. Nice!
Inere wiitere längä Outofahrt heimer üs de Richtig Bali ufgmacht. ungerwägs heimer no das xeh:
U eh wiitere Charre hei si vo Hang probiere usem Grabe usez'ziäh.
mir si aber heil acho u hüt ga schnorchle. Izze müesse mer nümme wiit u chöis gmüetlech näh u chli Bintang trinke.
Schöns Wucheänd,
Ansch, Schwäbu, Ürsu
Keine Kommentare:
Kommentar veröffentlichen