Stormy Days...

... Hi

Mir si nach Nicu's Abreis Richtig Norde gfreeset. Äuä gad rächtziitig wiu uf üsne Färsä folgt Taifun Neoguri. Mir hoffe aber, das är trotz 250km Windgschwindigkeite keh Chance het gäg üses nöiste Transportmittu. Meet: Shinkansen Hayabusa

Dä het üs uf Hokkaido, dNordinsu bracht. U das mit öppe 400km/h. Iz bliibe mer do obe, bis ire Wuche. 

Mir si izze zersch in Hakodate xi. Ded simer nume eh Nacht xi u eifach chli ga ds Stedtli aluege:

DAnsch het ded es ersts Hokkaido-Chäsli verwütscht u dr Ürsu es früsches Lachs-Sushi. Sehr grossi Läckereie ;-)

När simer in Sapporo xi u hei üsi Chleider wieder Mau müesse wäschä u hei das gfunge:

Sehr eifach z'bediene. Vo Fachfrou u -maa. Japanisch-sprächend natürlech. Da mir weder z'einte no z'angere si, hei mir müesse frage. U einisch meh: trotz fasch 0 änglisch/japanisch, hei mer di richtige Chnöpf gfunge u Fröid gha, ab dene liäbä Lüüt hiä. U 50(!!!!) Minute später isch üsi Wösch gwäschä u tumbleret xi. All in one. Dasch Mau no öppis. Das sötts aso bi üs ou gäh. Gad womer dWöschtrummele uf tah hei, heimer es grosses Städtesäugetier xeh. Fasch usgstorbe: Urs, das Waschwiesel :-)

In Sapporo simer ir Ramen-Alley ikehrt. Dasch es Mini-Gässli mit nume Noodle-Shops. Sensationell:

Ürsu het gester Special Hokkaido-Ramen gha. Bim Türgg wäri das eh Kebab mit Alles. Noodles, Pilz, Mais, Mungosprosse, Späck, Hackfleisch, Ei, Spidercrab u z'oberst no Butter. Eh grossi Läckerei. Für dAnschle hets drfür nid nume eis, sondern 1.5 Eier gäh. On the House, because you're vegetarian. Nice.

Eh Usflug heimer o no gmacht u da das muess vorbereitet si, heimer üs im Lädeli näbädra ideckt u i üsem Zimmerli sogar eh Chüeuschrank zum ufbewahre gha:

Passt gad :-)

Dr Usflug isch es Hügu-Bestiige xi. Wi fasch ging geits hiä entweder ufe oder abe. Grad gits nid. U ds Wätter het o nid so mitgmacht. Oder im positive Sinn: s'het mitgmacht u nid grägnät :-)

Was mer o no probiert hei isch japanischs Apero:

Panache. Scho parat :-) u natürlech di allgägäwärtigi Sour-Plum:

So, meh wüsse mer o gad nid. Mir sitze im Zug u fahre gägä Oste womer zwe Nächt bliibe u gö go Algebäueli sueche :-) dasch eis vo de 'Liäblingshuustiär' vo de Japaner. Marimo heisse diä u si mittlerwiile vom Usstärbe bedroht. Aber meh de nächst Mau :-)

Have a great day.

Ansch u Wiesel