Somos casi a casa. Somos en Nuevo Mexico:
Dasch us Albuquerque. Eh super Stadt womer gester si xi. As Uftrag vor Nad. Ded müess me xi si, wägäm Name :-) das hei mir befolgt u si eh Nami dür dLäde, dKafis u am Abe ine Park bimne Food-Truck go z'nachte.
Hüt simer wiiter uf Santa Fe. U hiä simer imne Mexican-Diner u schribä dä Blogg. Gässä heimer das hiä:
Green Chili-Sauce. Mir hei müesse passe. Ds Muul füüret ging no. DPupille si erwiiteret u ds Härz raset. Kes Wunder, Chilies si hiä das grosse Ding:
Ds zwöite grosse Ding isch Halloween:
Mir si no im Great Sand Dunes National Park xi:
U hei ded trotz Ansch's Sand-Aversion di zwöithöchsti Düne (270m) erkraxlet. Eh Chrampf isch das xi und souchalt. Sogar Schnee hets gha uf de Düne. U es Lüftli, es ganz unagnähms isch gange. Adieu...
Aber wi dir xeht, es wiiters Natur-Wunder.
Ufem Wäg vo de Düne nach Albuquerque heimer de no es Musigrate gmacht. Dr Soundtrack vo Forrest Gump igworfe u nachdäm mer bi de erste drü Liäder (Elvis, Aretha Franklin u Bobby) aus gad gwüsst hei, heimer dänkt iz föh mer das ah. Bi de nächste 17 Liäder hets de für ne knappe 2:1 Sieg vor Ansch glängt. Mit Lynyrd Skynyrd 'Sweet Home Alabama' het si gwunne. So viu zum Thema ufpasst ir Musig-Gschicht :-)))
So, auf geht's für üs. U für öich scho glii in dir Heia!
Ansch u ürsu
Keine Kommentare:
Kommentar veröffentlichen