Mir hei zwar vo üsem liäbä Fründ Nicola (iz chunt dä scho wieder hiä vor...) glehrt, das me as Whiskey eher vo de Iire u Schotte gniesst, aber es geit hiä o nid umne Drink. Sondern um:
D'Felice Brothers. Di simer gester in Denver ga luege. Suberi Sach xi. Und, dir heit aui dChance diä o go z'luege. Mir empfählä nech das wermstens! Dir chöit nech ad Petra (di chunt o scho wieder vor, huere Siäch. Hei mir äch Heiweh?) u Cyru wändä, di müesse diä o go luege :-)
Wi xeit, mir si in Denver u hiä hets o es Art Museum:
So isch das hiä. Natürlech schön usem Kontext grisse :-) Aber iz geits ja de langsam zu de Hilly-Billies ded abe.
In Denver heimer es Gay-Friendly Appartment gfunge. Das muess me hützutags no äxtra erwähne. Wo dr Ürsu nichtsahnend dürs Wohnzimmer gschländeret isch, heter de bir Besichtigung vo Vater-Tochter Foto es Biud entdeckt wo doch sini Ufmerksamkeit gweckt het: eh nackte, muskulöse und doch sehr guet usgstattete Maa het ded zwüsche de Familiä-Fotos füre gügslet. Jäjo, so isch das...
In Colorado isch übrigens Gras legal. A jedem Egge u i jedem Heftli chame es Rouchi choufe :-) gras-gschwängereti Näbuschwade ziäh de o dür dStrasse u mir finge das no faszinierend wi das geit. Vor auem wiu si eim in Texas äuä de gad dNase oder z'mingst eh Finger füre Graskonsum abschniide :-)
Mir si no i de Rockies xi. U o ded isch me Patriot (oder zeigt ar Flagge dr Arsch, je nach Uslegig):
DRockies si im Übrige superschön:
O we si sech am zwöite Tag nid so zeigt hei. Mir si äxtra überne Pass für ga dElche (Moose) sueche. Aber di het me inegnoh. Drfür het me ufem Rückwäg dr Schneesturm fürepackt u üs uf de Passstrass fasch ds Tobu abgjagt:
Drfür isch izze ir Stadt unger agnähmi 22 Grad u mir xeh uf di verschneite Bärgä. Super!!!
Mir hei o no öppis für ds Vorurteil vo de Verschwänder-Amis z'wiederlegge. Luget Mau was diä für schöni Single-Kits für Asiate-Chöch hei:
Dasch Mau no eh Grössi wo nid gad kaputt geit. Apropos Thai-Kit: üse tröist Reisebegleiter, dr Chrigu, cha izze Thai choche. Mir si stouz uf ihn u ladet nech doch Mau bi ihm ih :-) dasers ni verlehrt bis mir zrügg si. U mir merke, dr dritt wo uf däm Blogg erwähnt wird :-)))))
Apropos Chöch: mir hei eh Vegi Lade gfunge mit Würstli u luget Mau das ah:
Polish-Style. Iz chöi o dPole Vegi wärdä. Hahaha.
Mir hei no es Rätsu. Mir si amne Ort i de Rockies xi wo es berüehmts Buech vomne sehr bekannte Schriftsteuer inspiriert het. Basierend uf däm Buech hets eh Fium gäh, sodsägä eh Klassiker (o wägäm berüehmte Regisseur). U dr Houptdarsteuer xeht so us:
Hiä no zwe Hints meh:
So. U hiä dr Priis: di vier erste richtige Antworte (pär Mail oder SMS) si i üsere Wohnig (womer äuä no lang nid hei) zu säubergmachte Burger u Biär iglade.
Go Go Go!
Ansch u Ürsu
Keine Kommentare:
Kommentar veröffentlichen