Rückkehr des Wiesels

Lang isch's här, sit mir im schöne Japan si xi. Mir vermisses: Ramen, Sake, Umehöntere mitem Nicu und natürlech zWaschwiesel. Dasch scho lang nüm fürecho. Bis mer vor churzem im Arches National Park si xi u keh Zäutplatz hei gfunge. Abgwiese simer worde. U de muess me hiä uf National Forrests zrügg griiffe. Di si eigetlech idyllischer u billiger.

Hei aber derfür keh Duschine, resp. keh fliessends Wasser. U das passt natürlech am Waschwiesel gar nid. U das ja mittlerwiile vo jedem Cervelat-Promi es Nacktfoto git, het dAnsch gfunge, werum nid o eis vom Wiesel mache:

Nachdäms suber isch xi het de dAnsch o zur Gallone griffe u eigetlech würde mir das ja o ufe Blogg lade, aber ds Foto isch nid guet cho wiu ds wiisse Reh-Füüdli het mitem Blitz z'fest bländet. Haha. DManne scho. Wiu Ürsus Haar u si Bart si so läng, das das as eh Frisur zeut :-)

Mir hei übrigend wieder eh Dusch-Challenge: dir döft ei Gallone Wasser bruuche (ca. 4l). DFroue müesse dHaar nid wäschä :-)

Äbä, mir si im Arches NP xi u dä xeht so us:

Petra fingt äuä izze de: nach de Böim si di rote Steine di nöie Wasserfäu. Ging z'gliiche... Ja, mir verstöh das. Aber glii gits de hoffentlech o wieder angers Gstei. 

Steihüüfe, wemer scho bi Steine si, heimer in (Achtung veranglizierts spanisch): Meisa Veirde (für Mesa Verde - grüner Tisch, wes üs nid tüüscht). Ded hei früecher X Mönschlis gläbt u eh Hochkultur ufbout:

In Mesa Verde heimer üsi dicke Körper wieder Mau zumne Jogg bewegt. Läck. 2500m Höchi isch aso no gäi. Aber mir gäbänis Müeh :-) gad womer wieder is Outosi gstiige, si eh 9-chöpfigi Familiä Mule Deers (mir gloube das si bi üs eifach Rehli) vor üs über dStrass. Me cha sägä, s'het irgendwiä eleganter usxeh as di zwöi Walrösser :-))))

Izze simer in Boulder u löhs is Mau wieder la guet ga imne huere tüüre Hotel. Läck. Dasch wine Wuche campe was das choscht :-) 

Aber mir nämä nid ah, das dir gross Mitleid het mit üs. Hihi. Wes so wiiter geit si mir glii Pleite u chöme hei. U das fröit nech ja vilech :-)

Adios