Auso, mir möchte hiä Mau eh Bart-Iischub mache. Vermehrt isch ir letsti Ürsu's Bart agsproche worde: am Video-Chät het sis Vätterli gfunge er heig de keh Talib erzoge; dr Nicu het eh Hippster-Bart erkennt; di liäbi Nachbarin es Gstrüpp. Ds Rebi im färne Ecuador het gfunge öb dä tönt sigi. DFrag isch uftoucht öb das überhoupt no es Müntschelie git vor Ansch. Nume zwöi hei vo Afang ah nume gschribe wiu's guet usxächi. Merci Nad! Merci Flöru! Dr Ürsu zahlt de eh Rundi Biär.
Hiä wär dAntwort uf dini Frag, Petra (Frächi):
Mir erkenne da dranne, das dir aui üs sehr vermisset. Das fröit üs. Wiu üs geits gliich. Mir fröie üs, öich de glii wieder z'xeh.
Iz chöi mer aber gad no nid cho. Mir hei ja üses Outo no bis am 1.12. u Bsuecher in Texas u dNad im Oste heimer o no nid gfunge. Di versteckt sech no ganz wiit wäg.
Mir heis nach dr Grosse Schlucht isi gno u si zwe Tag am Lake Powell bliibe. Hei nätti Nachbare mit wiisse Füdlis gha:
U üs dr Horseshoe-Bend vor Ouge gfüehrt:
Eh hängende Garte simer o no go luege, obwou dä ir Trocheziit weniger spekktakulär isch as süsch:
Izze simer im Monument Valley, das kenneter vilech vom Marlboro Man u Western Fiume. Hüt gömer mitemne Biär bewaffnet u vom Shuttle gfüehrt eh John Wayne Fium go luege. Dr Herr Bussinger u sini liäbi Fründin würde das Meisterwärch as Klassiker iistuufe. Z'läng, z'längwilig und ds alt. Hahaha.
Keine Kommentare:
Kommentar veröffentlichen