Es wiiters Kapitu neigt sech am Ändi zue. Üses Visa u somit o üsi Ziit hiä im Land der dünnen Menschen louft us.
Mir hei aber no allerhand unternoh. As ersts gilts natürlech z'erwähne das mer Täm hei troffe. Mir si mit ihre u ihrem Maa läcker ga brunche. Isch aso schön xi, wieder eh Mau chli dVergangeheit la ufdsläbä :-)
När heimer einehalb Tag ganz übel Wätter gha u si drum de super erfröit xi wo dSunne gester dr ganz Tag isch füre cho:
Das heimer gnützt für uf Coney Island (obe) z'gah. U när no über dBrooklyn Bridge z'watschle (unge):
När heimer is eh Läckerei in Little Italy verdient. Schliesslech ziähts hiä dür dHüüser-Schluchte u me muess sech ging chli werme:
Natürlech heimer o dWiähnachts-Bschmückig no bestuunet:
U si ga Live-Musig luege:
Eigetlech heimer no anes Foo Fighters Konzärt wöuä. Das wäri 20$ xi u wäri imne Konzärtsaal für 1000 Lüüt xi. Me het ersch ab de 15:00 döfe astah u am 17:00 hei si Tickets afah verchoufe. Wo mir de am 11 uftoucht si, het dSchlange eifach vis a vis uf em Trottoir agfange u isch um 1.5 Hüüserblocks gange. I Abetracht vo -3 Grad u entsprächend chline Chance uf nes Ticket, heimer de Forfait gäh :-)
När hei si mittlerwiile ds nöie Trade Centre fertig u o ds derzueghörige Memorial. Das isch ne aso super glunge. Chapeaux für si!
I Central-Park hets is churz vorem Ihdunkle o no glängt:
Aber i Abetracht das sogar dr Kunstbanause Känu das cha identifiziere löhmer iz das :-)
Faus dr aso Mau uf NY wettet cho u nid in Manhattan weit schlafe, mir wüsste nech in Brooklyn eh gueti Adrässä.
Iz heimer nüm würk viu. Usser es paar Wiähnachtsfotos vo üs ;-)
Häbäts guet u gniesset aui Läckereie wos izze de git.
Ansch u Ürsu
Keine Kommentare:
Kommentar veröffentlichen