Hola chicos y chicas
Mir si izze ar Karibik. U dir?
Mir si uf dr Isla Mujeres u gniesse dWermi, ds Meer u ds Nüd-Mache.
Gester het dr Ürsu si längst Tag vom Läbä gha. Nid daser schlächt wäri xi. Aber er isch eifach nid verbii :-) mir si früeh uf. När "z'schnäu" a üsem Ziel xi. Hiä hei si aus vou Street-Art zur Konservierig vo Roche u Walhaie gmacht:
U si diä ga aluege, bevor mer hei chönne ichegge. När simer ane Märitstang ga ässä u am Nami a Strand:
Zum zNacht hets de für dAnsch eh riesige Vegie-Burrito gäh u dr Ürsu het Ceviche de Camarones übercho:
U spätistens izze heimer äuä aui veruckt gmacht :-)
Drum hiä no es paar Details für aui wo flüge schätze :-) as ersts simer am Security-Check agstange u ded muess me in Amerika iz i Nackt-Scanner und dSchue abziäh. Usser, me isch so um di 60gi, wi di alti Dame vor üs. Behänkt mit Schmuck wine Wiähnachtsboum het si am Security-Mandli z'verstoh gäh: i bi alt, cha mi nid bücke. Er het se de gmusteret, as harmlos igstuuft u si het mitsamt Metall u Schue näbäm Security-Check düre döfe. Safety First.
Bi üsem Abflug hets de grägnet u gwindet wine Sou. Üse flügend Sarg hets de bis fasch zum zerbärste ufe u abegschüttlet. Sogar üs Vielflieger isch's chli schlächt worde. Nach guet 20min Rumpel-Rumpel het sech de dr Kapitän fröhlech gmäudet: ladies and gentleman, looks like the excitement for this flight is now over. Muahahaha. Happy Times.
So, iz löh mer nech!
Häbäts guet u bis nächst Mau!
Los Tiburones
Keine Kommentare:
Kommentar veröffentlichen