Mir hei scho wieder viu gmacht sitem letste Itrag. Läck. Drbii heimer doch gar nid wöuä.
Was heimer nech z'verzöuä? As ersts simer ga Höhletouche. Hiä uf Yucatan hets überau so gflueteti Wasserlöcher (Cenotes, heisse diä) wome drii cha ga touche. Isch rächt spannend:
I das si mir ine :-)
När simer in Playa Ürsu's Deheime ga sueche. Är isch ja vor 10 Jahr z'erst Mau da xi und, o Wunder, es steit no das Hüüsli:
När heimer wiiterhin läcker gässä. Hiä Tacos de Verdura für dAnsch:
Und eh Taco Al Pastor füre Ürsu:
Läckereie, säge mir öich. Läckereie.
DAnsch isch übrigens einisch meh fasziniert vo Ürsu's Äss-Gwohnheite. Obe links ufem Taco xehter Salsa Verde u rächts Salsa roja. Je nachdäm wome isch, isch di einti oder angeri schärfer. Dr Ürsu dued ohni Gnad uf sis gschundnige Füüdeli vo beidne druf. U zwar eh richtigi Ladig. Di Dinger si regumässig so scharf, das me nachem Ässä dLippe u Zunge nüm gspürt (u dasch keh Ürsu-Übertribig).
Iz simer in Tulum, di einzigi Maya Stadt wo am Meer isch hets hiä. Dir heit das Biudli sicher scho xeh u fröiet nech sehr, we mir öich das unger dNase riibe:
Schon schön, oder?
Hüt heimer eh Usflug uf Coba gmacht u o das isch es schöns Plätzli:
Me cha ded uf ne riesigi Pyramide kraxle u het vo dobe eh Ussicht über nes grüens Meer:
Amüsant si übrigens di vile, kraxelnde Gstalte. Jede muess dobe si, o we das Usflügli hüüfig mit emne Fasch-Infarkt zahlt muess wärdä. Ufem Rückwäg setze si sech de aui ufs Hinterteili (siehe unde links) oder häbä sech verzwiiflet am Seili oder beides.
U hüt ir Bar hets für dGringos ufs Huus no eh chline Tequila gäh... Why not?
Mir gloube, glii hei viu vo öich Ferie u wünsche nech guets dürehebe.
Ansch u Ürsu
Keine Kommentare:
Kommentar veröffentlichen