Mir si izze in Playa del Carmen. Z'dritt Mau das dr Ürsu nach 2003 u 2008 hiä isch. U ihm chunt nume i Sinn: what the fuck?
Me cha sägä, me het aues überbouet am Strand vorne. Krass. Mir hei iz us ästhetische Gründ kes Foto gmacht :-)
Was aber ging no ume isch, si di läckere Ässenslädeli wo ni am Touri-Strip si. U di heter no gfunge :-)
Drum weimer nech iz o no chli schöns, karibischs zeige. Uf dr Isla Mujeres heimer Velos gmietet (ds Discofüdeli dued no drei Tag nächär weh) u si gane Turtle-Ufzucht-Station luege:
Ded heimer o no eh Al (Pelikan) xeh. Fraget dr Ürsu ni werum är dene so seit. DAnsch hets scho mängisch probiert u's iz eifach akzeptiert u übernoh:
Werum mer izze ging öppe Glück hei, wüsse mer o:
Das mer immer no nid dr Dr.-Titel im Reise erworbe hei, heimer de ds Cozumel erfahre. Wi chopflosi Hüehner si mer für 20$ uf di Insu gfahre. Dr Ürsu isch is Schiffli ghöcklet u wiu er ja nid scho übere Atlantik isch, heter vergässä das Läsä äuä nid ds non plus ultra isch... Er het de di Grosstat mitemne Fasch-Würfli zahlt u isch nach 45min chriidewiis usem Schiff torklet. Mir hei de mitem Velo wöuä ga velöle, nume isch das Unterfange bi Sturmböe mässig guet gange. De heimer eh Bus wöuä näh, wo ni gfahre isch u dAnsch het de gmeint es sig äuä izze de gliich Ziit z'höre. Das het dr Jammerlappe de dopplet gärn ghört, wiu är gross akündet het, das är das ersch wieder seit wes heizue geit (das riimt de, eh).
Es Töffli heimer o no wöuä miätä, aber dVernunft isch de ikehrt. Wiu eh Sturz oder Unfall hätti äuä üsi wiitere Plän zunichte gmacht :-)
Mir hei de beschlosse das z'mache was hiä aui gägä Frust mache. Ouge zue, Pesos packe u Margarita schlürfe:
Nid das mer is da irgendwiä fautsch verstöh: mir erwarte keh Mitleid. Hehehe.
Öich eh schöne Sundig u guete Start id Wuche.
Ansch u Ürsu
Keine Kommentare:
Kommentar veröffentlichen